4.02.2006

الطير المسافر



ياللى أنت مسافر
و زى الطيور
حتهاجر
وفى بلاد الغربة
حتعافر
و ناشب ضوافر
عشان اللقمة
و من الزحمة
و الفقر
..كافر
...الصبر
داحنا كلنا
زيك طيور
مهاجرة
..بس بالجبر
محبوسين
....جوه الشوادر

هناك 17 تعليقًا:

shady يقول...

بالجبر
محبوسين
....جوه الشوادر
ملعون ابو ده شادر ياشيخ

Maxxed`ouT يقول...

أحسنت

salah يقول...

كااااااك

abu elleil يقول...

لو جوه أو برّه
طعم الحياة مرّه
لو الجسد محبوس
لسة القلوب حرّه

...

السهروردى يقول...

المعلم شادى
عندك حق ، معلونه بجد
:)
مكيسد أوت
شكرا
:)
أنيمال
كواااك كواااك
دى أخر صرخة للفراخ قبل هجوم أنفلونزا الطيور
:)
المعلم أبو الليل
لو حتى طعم الحياة مرّه
ندوق طعم الحرية لو مرة
نطلع نشم الهوا بره الجرة

:)

Sherif Nagib يقول...

عارف إنكم مش حاتصدقوني..
بس من خارج الشادر..
باحسدكم

Zengy يقول...

مش حتصدق أنى من جوه الشادر بقول انا مبسوط

salah يقول...

أنا كمان من جوة الشادر بقول انا مبسوط بيكم

شاطىء أخر يقول...

يا سهرودى يا اخويا
الشوادر دى بتعتنا احنا- و عمرك متكون محبوس فى حاجة انت بتملكها المشكله اننا مطرودين من الشادر و بنتفرج عليه من بعيد مش محجبوسين فيه
تحياتى

elmohareg-eldarwish يقول...

من جوة الشادر ومش مبسوط ونفسي اتعلم اطير

kalam يقول...

عارف انا شغال معايا ناس معاهم جنسيه كندى وسويسرى والمانى
ولحد دلوقتى مش عارف من فينا حظه كان احسن

السهروردى يقول...

أنيمال :
و نحن كذلك
الشاطئ الأخر:
لو إعتبرتى إن الشوادر هى الوطن مثلا فإحنا محبوسين جوه الشوادر فعلا ، ومش قادرين نتحكم فيه بإرادتنا
المهرج - الدرويش:
الصبر
الصبر
الصبر
كلام:
مفيش حد احسن من حد
كله متساوى بشكل او بأخر

هوميروس يقول...

لاني رافض اكون في الشادر اتضامن مع المهرج والدرويش وهحاول اطير

Yasser_best يقول...

قاومنا الفكرة حتى أجبرونا عليها

قتلوا الطموح بالروتين.. وقاتلوا الموهوبين بالجهل والفساد.. فاختفت من سماء مصر طيور حلقت بجناحيها بعيداً.. بعيداً

أتذكر يومأ قال لي فيه العالم الكبير د. فاروق الباز في مكتبه بمركز الاستشعار عن بعد في جامعة بوسطن" أتعرف.. لماذا هاجرت؟ لأنهم أخذوا زميلاً كان ترتيبه الرابع على دفعتي ليصبح معيداً.. وأبعدوني"
لكن مصر الحقيقية تبقى في القلب
نشكو منها.. لكنني -ومن غادر بعد طول احتمال- يشكو وجع البعاد
الآن أعرف لماذا اختاروا اسم: القاهرة

السهروردى يقول...

هوميروس و أستاذ ياسر و المهرج - الدرويش :
عندكوا حق
بس برضك من رأيى الصبر هو مفتاح الملل و الفرج فى الوقت نفسه

شاطىء أخر يقول...

الصراحة اه
انا اعتبرت ان الشوادر اللى انت بتتكلم عليها هى فعلا الوطن
بعدين يمكن المشكله اننا احنا كمان عيزين نتحكم فيه زى ما انت قلت مش اننا نعيش على ارضة
سعات فعلا بحس كده
كل اللى بيتكلم بيتكلم علاشان هو عايز حته نم التورته مش لانه فعلا همه عليه

غير معرف يقول...

من حق الجميع,خصوصا الشقيانين, أن يحصلوا على نصيب من التورته. دا مش عيب. المهم انهم مايكونوش عايزين يورثوا اللى بيكلوها والعة دلوقتى - حسب مبدأ فيها لاخفيها_ ويحرموا الباقيين