5.28.2007

وكانت السنة رقم 18

إلى شوباك... أفخر بجوزائيتك أيها الرفيق الإسكندرانى
*
طبعا أنا دخلت على جوجل وجبت شوية كلام عن خصائص رجل برج الجوزاء، وإلى حد ما بعيد أنا مؤمن فى موضوع خصائص مواليد كل برج والكلام اللى بعض الناس بيعتبروا هجص وأحيانا كفر
المهم إنى أخترت شوية صفات أنا شايف نفسى فيها، وتجنب ذكر صفات أنا شايف إنها مش فيا أو على الأقل بأرفض إنى أعترف بيها قدام نفسى، الكلام الجى لا يخلو من نرجسية مفرطة فى رأيى يعنى بس ده مسموح لأن إمبارح كان عيد ميلادى
  • مولود برج الجوزاء ذكي سريع الخاطر سليط اللسان - إذا أراد - فضولي محب للاستطلاع , يجيد عمل شيئين أو أكثر في آن واحد و بسرعة تفوق سرعة من يقوم بعمل واحد

وده صحيح فى موضوع سلاطة اللسان واللى مش مصدق يروح يشوف عرائضى عند العم أبو الليل، من ناحية فضولى روحوا إسألوا محمد أخويا طبعا، بالنسبة لصفة الأخيرة، بالنسبة للأخيرة فده صحيح نسبيا بس مش قوى كده

  • يبرع في الكذب و لكنه يأباه بسبب مثاليته . إذا حرف الوقائع كان السبب اتساع خياله . حبه للسخرية يقوده إلى ارتكاب الخطأ عن قصد وفي حالات نادرة جدا يصل به الأمر إلى حد الإجرام .

الصفة الأولى صحيحة واللى مش مصدق يروح يسأل أبويا وهو حيقولك إن حسين عمره ما كدب عليا تفهم على طول إنى أكبر كداب عرفته البشرية كلها لأن مفيش حد فى الدنيا ما كدبش على والده، البقية أى نعم صحيح

  • بما أن عقل مولود برج الجوزاء يعمل بصورة مستمرة تصبح حاجته إلى النوم مضاعفة , لكن الأرق كثيرا ما يصيبه . أعصابه المشدودة و خلاياه التالفة تتطلب الراحة و التجدد . تفيده الشمس و الهواء النقي و الأجواء الخالية من التلوث .

أكتر واحد بينام فيكى يا أم الدنيا، ده حتى تدويناتى الأولانية مش بتخرج إنى بأصحى من النوم وأروح أنام تانى، بأعتبر إن النوم متعة لا تنافسها أى متعة حيوانية أخرى، طبعا بأعشق الشمس لدرجة إنى كتبت فيها أول مشروع شعرى ليا

  • يقرأ بسرعة مذهلة , و كثيرا ما يبدأ بالصفحة الأخيرة ثم يعود القهقرى مقلبا الصفحات بعصبية , ولا يستبعد أن يشعر فجأة بالملل فيترك الكتاب وهو لا يزال في منتصفه .
  • ينظر إلي الغد وقليلا ما ينظر إلي الماضي , مستعد دائما لاستقبال يوم جديد

لا تعليق أى نعم صحيح برضه


الطفل الجوزائى*

  • إن طفل برج الجوزاء باختصار - و خصوصا بالنسبة إلى والدته - غذاء روحي عظيم و إن كان غذاء مرهقا لأعصابها في بعض الأحيان . و يبدو أم وجود مثل هذا الطفل في عائلة ما يكسب جميع أفرادها الشعور بالشباب و الحيوية الدائمين

أنا حاسس إنى لو مت بدرى البيت حيبقى سمع هس من غيرى لفترة طويلة

  • و يحرف الحقائق ملونا إياها بشيء من خياله الواسع . يتهمه البعض بالكذب و يصر على معاقبته , لكن كذبه ليس أكثر من تحوير أو تلوين كما قلنا , منشأه أحلامه و تخيلاته الكثيرة , و كثيرا ما يقع هو فريستها فيصدق تماما ما يقول . إن صده أو عقابه لا يجدي

هنا أسألوا والدى وهو فاكر الحكاية دى كويس، مرة واحد ضخم الجثة عريض المنكبين شلولح ضربنى علقة، ورجعت قلت لأبويا إنى رزعت عشر عيال عندنا فى المدرسة الإبتدائية علقة سخنة وبعدين ربطتهم كلهم بحبل ليف وسلمتهم للأبلة الناظرة وطبعا أبويا بيضحك وهو مش مصدق بتاتا إنى إبنه اللى عامل زى القلم الرصاص المبرى عمل ده وبعدين السؤال المهم: منين أنا جبت الحبل الليف ؟



الرجل الجوزائى*

  • الجوزائي لديه أسلوب إقناعي ناجح حتى ولو لم يكن مطلع كفاية علي الموضوع الذي يتكلم عنه

سوفسطائى عظيم

  • أبرز صفات الرجل برج الجوزاء القلق و عدم الارتباط , فيجب ألا تغيب هاتان الظاهرتان عن ذهن المرأة التي تنوي ربط مصيرها بمصير زوج من هذا النوع , وأن تعلم أن الحب في نظره شيء و الانسياق وراء مزاجه الخاص شيء آخر . هذه النظرية وحدها كفيلة بهدم أسعد البيوت و أكثرها استقرارا إلا إذا بلغ حب الزوجة و إخلاصها و استعدادها للتضحية الحد الأقصى . وفي هذه الحالة تنقلب حياتها إلى نعيم دائم , لأن في رجل برج الجوزاء مزايا قلما توجد في مواليد الأبراج الأخرى . يكفي أن الوقت يمر إلى جانبه كلمح البصر , و أن الرتابة و الملل يغيبان عن دنياه بلا رجعة . و إذا قال لزوجته أحبك , قالها بعشرات الأسباب و اللهجات . وفي دعواته لها طرافة ما بعدها طرافة . يقودها إلى المطاعم و المسارح و دور اللهو و المتاحف و الشاطئ و الجبل و إلى أماكن أخرى لا تخطر ببالها . يحدثها عن كل أمر و موضوع لأنه بحكم إطلاعه و ثقافته العامة يعرف الكثير و الكثير ولا يكاد يجهل شيئا . إلى جانب ذلك لا يستبعد أن يخرج من بيته على أمل الرجوع بعد ساعة و تمضي الأيام و هو غائب , أو أن يبدو مشغول الفكر تائه النظرات موجودا في الجسم فقط مما يجعل زوجته تتساءل عن الأسباب و تحسب ألف حساب .

كل السالف ذكره صحيح، مع وضع الإعتبار إنى لسه غير متزوج أو حتى مرتبط

  • لو خير لاختار الزواج أكثر من مرة
  • انه قليل الغيرة لبعده عن روح التملك سواء لنفسه أو لغيره . الحب في رأيه أكثر من ارتباط جسدي . إنه المشاركة الروحية و العقلية و الجسدية معا
  • يقال أن ازدواجية هذا الرجل تجعله يسعى إلى حبين في آن واحد , و لا يعني ذلك إنه يحن إلى امرأتين في وقت واحد. يبدو الأمر من قبيل الأحاجي , أليس كذلك ؟ من الصعب على كل حال أن يرضى رجل برج الجوزاء بالمرأة القليلة الذكاء , و لن يختار إلا صاحبة الفطنة و الحيلة و المرونة . و ليس يصعب على هذه أن تدرك سر طبيعته و أن تبدو على النحو الذي يرضيه و يرضي ازدواجيته

وفى النقطة الأخيرة الجملتين الأولانين هما صح الصح بقى، لأنى عملت الحركة دى أكتر من مرة فى حياتى، أميرة وحنان، حنان وإنجى، حنان ونادية، حنان وعلا

  • رجل برج الجوزاء محبوب من الأطفال عامة ومن أطفاله خاصة , تربطه بهم علاقات حميمة تقوم على الثقة و المكاشفة و تبادل الآراء و المعلومات . من سيئاته القليلة كأب فشله في فرض النظام و إكثاره الوعود التي يصعب عليه تحقيقها. حدة لسانه تسيء لكرامة أولاده في بعض الأحيان لكن طيبة قلبه غالبا ما تمحو أخطاءه.

مع وضع الإعتبار إنى لسه معنديش أولاد لأنهم -أياً كانوا- لسه مخترعوش الخلفة باللاسلكى، فمعرفش حقيقة الوضع ده إيه؟

وأخيراً

  • يكره ملاحقة الفرص لكن يقبلها عن طيب خاطر إذا أتت بدون عناد.
  • صديقه المفضل نصفه الثاني : ألم نقل في البداية إنه شخصان ؟

وكل سنة وأنا جوزائى معتدل

هناك 12 تعليقًا:

tagreba يقول...

كل سنة وانتما طيبان وبالصحة والسلامة وان يجمع اربعتنا على كل خير بعون الله

Aladdin يقول...

كل سنة وأنتا شاعر كبير يا سهروردي!!

لا أكاد أصدق أنك جوزائي!! انطباعي من خلال حديثنا أكثر من مرة عن رومانسيتك المفرطة جعلني أتصور أنك لن تخرج عن كونك سرطاناً أو حوتاً أو رجلاً عذرائياً!! بس تطلع جوزاء!!

Nour يقول...

Looooooooooooool ya 7seein
أولا كل سنة و أنت طيب يا ولد يا جوزائي و عقبال ما تبقوا 5 6 كده
:D
المهم أنا مكملتش البوست للآخر عشان فيه جزئية الصراحة استوقفتني جدا مقدرتش أمسك إيدي من التعليق فيها
*********
يبرع في الكذب و لكنه يأباه بسبب مثاليته . إذا حرف الوقائع كان السبب اتساع خياله
********
فاكر يوم حفلة إسكندريللا لما قلت لباباك إنك رايح تصور ورق؟؟
أنا كنت هموت لما محمد قاللي أساسا
:D
و ياللا كل سنة و أنت طيب تاني و نحب نشوفك قريب أما نخلص من القرف اللي إحنا فيه ده (حد يتولد دلوقتي صحيح)؟
:P

محمد ثروت الجابري يقول...

أنا كمان جوزاء
نياهاهاها

Moia يقول...

يا نهار ابيض.. هو انا لسه مقولتلكش كل سنه وانت طيب :(
حقك عليا يا بيه والله انت كنت فاكره انه حصل
كل سنه وانت طيب ومبسوط ومرتاح وجوزائى زى الفل :D

السهروردى يقول...

أبو عمر:
وأنت طيب يا جميل
يسمع من فمك ربنا

علاء الدين:
شفت بقى! وأنت طيب يا دوك
:)

نور:
وأنت طيبة يا نوووور
سيبك أنت
أصل أنتى معرفتيش بقى الكدبة كان شكلها إيه؟
دى أنا بأعتبرها تانى أكبر كدبه كدبتها على الوالد والله
تصدقى إنى بقالى من أول ما دخلت الإبتدائية ماأحتفلتش بعيد ميلادى خالص إلا السنة اللى فاتت
:(

الجابرى:
أهلا بك فى جماعة الجوزائيين السرية
نياهاهاهاهاه
:)

السهروردى يقول...

مويا:
وأنت طيبة يا مويا يا قطر الندى
:))
يا ستى أعتبريها وصلت ومن زمااااان
:)
لعلمك فى أغنية تانية ممكن نبدل إسمك فيها إبقى خلى الواد الزنجى يقولك عليها
:)

حسام يقول...

كل سنة وانت طيب يا سحس معلش متأخره
ممكن بالمناسبة دي أغنيلك ...صوت صفير البلبلِ
:)

Sherif يقول...

كل سنة و انت طيب و مايحرمناش من لسانك السليط يا سحس :)

شريف نجيب

السهروردى يقول...

حسام :
وأنت طيب
منورنى يا بيه والله
:)
بس أنت تغنى وإحنا معاك
:)

شريف:
وأنت طيب يا زعيمى
:)
مايحرمنيش أبدا أبدا
:)

أماني يقول...

مع أنها متأخرة لكن أرجو أن تقبلها مني
كل سنة وأنت طيب
على فكرة كل ما كتبته عن البرج صحيح
(مية مية)
فأنا أيضا جوزائية هوائية
سلامات

حروف (دلو مرة ثانية وجرح ثاني سابقا) يقول...

مممممممم كل سنة وانت طيب وكل دة و19 سنة ياراجل انا قلت كبير
بقوللك ايه يعني الجوزاء دة مش بيحب بجد ولو حب بجد بيتغير عشان حبيبتة ولالا